BCD TV | BCD Odisha News | Voice of Odisha ନ୍ୟାୟିକ ଅଧିକାରୀଙ୍କ ଅବସର ବୟସ ବୃଦ୍ଧି ପ୍ରସଙ୍ଗ ବିଚାର କରିବାକୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ନୂଆଦିଲ୍ଲୀ: ସୁପ୍ରିମକୋର୍ଟ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନ୍ୟାୟିକ ଅଧିକାରୀମାନଙ୍କ ଅବସର ବୟସ ୬୦ରୁ ୬୧ ବର୍ଷକୁ ବୃଦ୍ଧି କରିବା ପ୍ରସଙ୍ଗ ବିଚାର କରିବାକୁ ନିର୍ଦ୍ଦେଶ ଦେଇଛନ୍ତି। ଏହି ବିଷୟରେ ସମ୍ପୃକ୍ତ ହାଇକୋର୍ଟ ସହ ପରାମର୍ଶ କରି ନିଷ୍ପତ୍ତି ନେବାକୁ ମଧ୍ୟ କୋର୍ଟ କହିଛନ୍ତି। ମୁଖ୍ୟ ବିଚାରପତି ସୂର୍ଯ୍ୟ କାନ୍ତ, ବିଚାରପତି ଜୟମାଲ୍ୟ ବାଗଚୀ ଓ ଭି. ମୋହନାଙ୍କ ଖଣ୍ଡପୀଠ ଦେଶବ୍ୟାପୀ ଜିଲ୍ଲା ନ୍ୟାୟପାଳିକାର ନ୍ୟାୟାଧୀଶମାନଙ୍କ ଅବସର ବୟସକୁ ୬୨ ବର୍ଷ କରିବା ସମ୍ବନ୍ଧୀୟ ଆବେଦନର ଶୁଣାଣି ବେଳେ ଏହି ନିର୍ଦ୍ଦେଶ ଦେଇଛନ୍ତି। ଚୂଡ଼ାନ୍ତ ନିଷ୍ପତ୍ତି ନହେବା ପର୍ଯ୍ୟନ୍ତ, ଯେଉଁ ରାଜ୍ୟ ଓ ହାଇକୋର୍ଟ ସହମତି ପ୍ରକାଶ କରିବେ, ସେଠାରେ ନ୍ୟାୟିକ ଅଧିକାରୀମାନଙ୍କୁ ୬୧ ବର୍ଷ ପର୍ଯ୍ୟନ୍ତ ସେବା ଜାରି ରଖିବାକୁ ଅନୁମତି ଦିଆଯାଇପାରିବ। — BCD TV | BCD Odisha News | Voice of Odisha