NEET ଆନ୍ଦୋଳନ: ଆସାମ ସରକାର ସମସ୍ତ ଆପରାଧିକ ମାମଲା ପ୍ରତ୍ୟାହାର କରିବେ ଗୁଆହାଟୀ: NEET ପରୀକ୍ଷାକୁ କେନ୍ଦ୍ର କରି ହୋଇଥିବା ଆନ୍ଦୋଳନ ସମ୍ବନ୍ଧୀୟ ସମସ୍ତ ଆପରାଧିକ ମାମଲା ପ୍ରତ୍ୟାହାର କରିବାକୁ ଆସାମ ସରକାର ନିଷ୍ପତ୍ତି ନେଇଛନ୍ତି। ରାଜ୍ୟ ସରକାର ସମ୍ପୃକ୍ତ କର୍ତ୍ତୃପକ୍ଷଙ୍କୁ ଏହି ମାମଲାରେ ହୋଇଥିବା ସମସ୍ତ ଗିରଫ ଓ ଅଟକ ଘଟଣାର ସମୀକ୍ଷା କରି ଗିରଫ ବ୍ୟକ୍ତିଙ୍କୁ ଯଥାଶୀଘ୍ର ମୁକ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ଆନ୍ଦୋଳନର ପରିସ୍ଥିତି ଏବଂ ପରୀକ୍ଷା ଓ ଉଚ୍ଚଶିକ୍ଷା ବ୍ୟବସ୍ଥାରେ ଦାୟିତ୍ୱବୋଧ ବୃଦ୍ଧି ସହ ସଂସ୍ଥାଗତ ସଂସ୍କାରର ଆବଶ୍ୟକତାକୁ ବିଚାର କରି ସରକାର ଆନ୍ଦୋଳନକାରୀଙ୍କ ବିରୋଧରେ ଆଉ କୌଣସି ଆଇନଗତ ପଦକ୍ଷେପ ନ ନେବାକୁ ନିଷ୍ପତ୍ତି ନେଇଛନ୍ତି। ସରକାରୀ ଆଦେଶ ଅନୁଯାୟୀ, ଆସାମରେ ଆନ୍ଦୋଳନରେ ଭାଗ ନେଇଥିବା କୌଣସି ବ୍ୟକ୍ତିଙ୍କ ବିରୋଧରେ ପୁଲିସ ପକ୍ଷରୁ କୌଣସି ପ୍ରତିକୂଳ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ନାହିଁ। ଆଇନ ଅନୁଯାୟୀ, ବିଭିନ୍ନ ପର୍ଯ୍ୟାୟରେ ଥିବା ସମସ୍ତ ରୁଜୁ ମାମଲା ପ୍ରତ୍ୟାହାର ପ୍ରକ୍ରିୟାକୁ ଶୀଘ୍ର ଆରମ୍ଭ କରିବାକୁ ମଧ୍ୟ ସରକାର ନିର୍ଦ୍ଦେଶ ଦେଇଛନ୍ତି।