ଭାରତ-ଇସ୍ରାଏଲ ମୁକ୍ତ ବାଣିଜ୍ୟ ଚୁକ୍ତି (FTA) ପାଇଁ ଦ୍ୱିତୀୟ ପର୍ଯ୍ୟାୟ ଆଲୋଚନା ସଫଳ; ପାରସ୍ପରିକ ଲାଭଦାୟକ ଚୁକ୍ତି ଦିଗରେ ଅଗ୍ରଗତି ନୂଆଦିଲ୍ଲୀ: ଭାରତ ଓ ଇସ୍ରାଏଲ ମଧ୍ୟରେ ପ୍ରସ୍ତାବିତ ମୁକ୍ତ ବାଣିଜ୍ୟ ଚୁକ୍ତି (Free Trade Agreement-FTA) ପାଇଁ ଦ୍ୱିତୀୟ ପର୍ଯ୍ୟାୟ ଆଲୋଚନା ସଫଳତାର ସହ ସମାପ୍ତ ହୋଇଛି। ଜୁଲାଇ ୨୦ରୁ ୨୩ ପର୍ଯ୍ୟନ୍ତ ନୂଆଦିଲ୍ଲୀର ବାଣିଜ୍ୟ ଭବନରେ ଚାରି ଦିନ ଧରି ଚାଲିଥିବା ଏହି ଆଲୋଚନାରେ ଉଭୟ ଦେଶର ପ୍ରତିନିଧିମାନେ ପ୍ରସ୍ତାବିତ ଚୁକ୍ତିର ସମସ୍ତ ପ୍ରମୁଖ ବିଷୟ ଉପରେ ବିସ୍ତୃତ ଆଲୋଚନା କରିଥିଲେ। ଏକ ସନ୍ତୁଳିତ, ବ୍ୟାପକ ଓ ପାରସ୍ପରିକ ଲାଭଦାୟକ FTA ସ୍ୱାକ୍ଷର ଦିଗରେ ଉଭୟ ପକ୍ଷ ଉଲ୍ଲେଖନୀୟ ଅଗ୍ରଗତି କରିଥିବା କୁହାଯାଇଛି। ୨୦୨୫-୨୬ ଆର୍ଥିକ ବର୍ଷରେ ଭାରତ ଓ ଇସ୍ରାଏଲ ମଧ୍ୟରେ ଦ୍ୱିପାକ୍ଷିକ ବାଣିଜ୍ୟର ପରିମାଣ ପ୍ରାୟ ୩.୯୩ ବିଲିୟନ୍ ଆମେରିକୀୟ ଡଲାର ରହିଥିଲା। ପ୍ରସ୍ତାବିତ FTA କାର୍ଯ୍ୟକାରୀ ହେଲେ ଦ୍ୱିପାକ୍ଷିକ ବାଣିଜ୍ୟ, ପୁଞ୍ଜିନିବେଶ ଓ ଅର୍ଥନୈତିକ ସହଯୋଗକୁ ଆହୁରି ମଜବୁତ କରିବ ବୋଲି ଆଶା କରାଯାଉଛି।