ବିଭିନ୍ନ ସୁରକ୍ଷା ପଦକ୍ଷେପ ଯୋଗୁଁ ରେଳ ଦୁର୍ଘଟଣାରେ ଉଲ୍ଲେଖନୀୟ ହ୍ରାସ: ରାଜ୍ୟସଭାରେ ରେଳମନ୍ତ୍ରୀ ନୂଆଦିଲ୍ଲୀ: ଭାରତୀୟ ରେଳବାଇରେ ସୁରକ୍ଷାକୁ ସର୍ବାଧିକ ପ୍ରାଥମିକତା ଦିଆଯାଉଛି ବୋଲି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ରାଜ୍ୟସଭାରେ କହିଛନ୍ତି। ଲିଖିତ ଉତ୍ତରରେ ସେ ସୂଚନା ଦେଇଛନ୍ତି ଯେ, ଗତ କିଛି ବର୍ଷ ଧରି ରେଳବାଇ ପକ୍ଷରୁ ଗ୍ରହଣ କରାଯାଇଥିବା ବିଭିନ୍ନ ସୁରକ୍ଷା ପଦକ୍ଷେପର ଫଳସ୍ୱରୂପ ଦେଶରେ ରେଳ ଦୁର୍ଘଟଣା ସଂଖ୍ୟାରେ ଉଲ୍ଲେଖନୀୟ ହ୍ରାସ ଘଟିଛି। ସେ କହିଛନ୍ତି ଯେ, ୨୦୧୪-୧୫ ଆର୍ଥିକ ବର୍ଷରେ ୧୩୫ଟି ଗୁରୁତର ରେଳ ଦୁର୍ଘଟଣା ଘଟିଥିବା ବେଳେ, ଚଳିତ ଆର୍ଥିକ ବର୍ଷରେ ଏପର୍ଯ୍ୟନ୍ତ କେବଳ ୨ଟି ଦୁର୍ଘଟଣା ରେକର୍ଡ ହୋଇଛି। ‘କବଚ’ ଭଳି ସ୍ୱଦେଶୀ ସ୍ୱୟଂଚାଳିତ ଟ୍ରେନ୍ ସୁରକ୍ଷା ପ୍ରଣାଳୀ, ଟ୍ରାକ୍ ଆଧୁନିକୀକରଣ, ଉନ୍ନତ ରକ୍ଷଣାବେକ୍ଷଣ ଏବଂ ଆଧୁନିକ ପ୍ରଯୁକ୍ତିର ବ୍ୟବହାର ଯୋଗୁଁ ଏହି ସଫଳତା ମିଳିଛି।