ବିଭିନ୍ନ ସୁରକ୍ଷା ପଦକ୍ଷେପ ଯୋଗୁଁ ରେଳ ଦୁର୍ଘଟଣାରେ ଉଲ୍ଲେଖନୀୟ ହ୍ରାସ: ରାଜ୍ୟସଭାରେ ରେଳମନ୍ତ୍ରୀ ନୂଆଦିଲ୍ଲୀ: ଭାରତୀୟ ରେଳବାଇରେ ସୁରକ୍ଷାକୁ ସର୍ବାଧିକ ପ୍ରାଥମିକତା ଦିଆଯାଉଛି ବୋଲି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ରାଜ୍ୟସଭାରେ ସୂଚନା ଦେଇଛନ୍ତି। ଲିଖିତ ଉତ୍ତରରେ ସେ କହିଛନ୍ତି ଯେ, ବିଗତ କିଛି ବର୍ଷ ଧରି କାର୍ଯ୍ୟକାରୀ ହୋଇଥିବା ବିଭିନ୍ନ ସୁରକ୍ଷା ପଦକ୍ଷେପର ପରିଣାମ ସ୍ୱରୂପ ରେଳ ଦୁର୍ଘଟଣାରେ ଉଲ୍ଲେଖନୀୟ ହ୍ରାସ ଘଟିଛି। ରେଳମନ୍ତ୍ରୀଙ୍କ ସୂଚନା ଅନୁଯାୟୀ, ୨୦୧୪-୧୫ ଆର୍ଥିକ ବର୍ଷରେ ୧୩୫ଟି ଗୁରୁତର ଟ୍ରେନ୍ ଦୁର୍ଘଟଣା ଘଟିଥିବା ବେଳେ, ଚଳିତ ଆର୍ଥିକ ବର୍ଷରେ ଏପର୍ଯ୍ୟନ୍ତ କେବଳ ୨ଟି ଦୁର୍ଘଟଣା ରେକର୍ଡ ହୋଇଛି। ସେ କହିଛନ୍ତି, ‘କବଚ’ ସୁରକ୍ଷା ପ୍ରଣାଳୀର ବିସ୍ତାର, ଟ୍ରାକ୍ ଆଧୁନିକୀକରଣ, ନିୟମିତ ରକ୍ଷଣାବେକ୍ଷଣ ଓ ଅନ୍ୟାନ୍ୟ ସୁରକ୍ଷା ବ୍ୟବସ୍ଥା ଯୋଗୁଁ ଏହି ସଫଳତା ମିଳିଛି।