୨୦୩୨ ସୁଦ୍ଧା ବିଶ୍ୱ ଖେଳନା ବଜାରରେ ୫% ଅଂଶୀଦାରୀ ଲକ୍ଷ୍ୟ; କେନ୍ଦ୍ର ସରକାର ଗଠନ କରିବେ ଟାସ୍କ ଫୋର୍ସ ନୂଆଦିଲ୍ଲୀ: ଭାରତର ଖେଳନା ଶିଳ୍ପକୁ ସୁଦୃଢ଼ କରିବା ଏବଂ ୨୦୩୨ ସୁଦ୍ଧା ବିଶ୍ୱ ଖେଳନା ବଜାରରେ ୫ ପ୍ରତିଶତ ଅଂଶୀଦାରୀ ହାସଲ କରିବା ଲକ୍ଷ୍ୟରେ କେନ୍ଦ୍ର ସରକାର ଏକ ଟାସ୍କ ଫୋର୍ସ ଗଠନ କରିବାକୁ ଘୋଷଣା କରିଛନ୍ତି। ନୂଆଦିଲ୍ଲୀରେ ଡିପିଆଇଆଇଟି (DPIIT) ପକ୍ଷରୁ ଆୟୋଜିତ ଖେଳନା ଶିଳ୍ପ ସମ୍ବନ୍ଧୀୟ ହିତାଧିକାରୀ ବୈଠକରେ କେନ୍ଦ୍ର ବାଣିଜ୍ୟ ଓ ଶିଳ୍ପମନ୍ତ୍ରୀ **** ଏହି ଘୋଷଣା କରିଛନ୍ତି। ବାଣିଜ୍ୟ ଓ ଶିଳ୍ପ ମନ୍ତ୍ରଣାଳୟ କହିଛି, ଏହି ଟାସ୍କ ଫୋର୍ସ ଭାରତର ଖେଳନା ଶିଳ୍ପକୁ ବିଶ୍ୱସ୍ତରୀୟ ମୂଲ୍ୟ ଶୃଙ୍ଖଳ (Global Value Chains) ସହ ଯୋଡ଼ିବା, ଉତ୍ପାଦନ କ୍ଷମତା ବୃଦ୍ଧି କରିବା ଏବଂ ବ୍ୟବସାୟ କରିବାର ସହଜତାକୁ ଆହୁରି ସୁଦୃଢ଼ କରିବା ଉପରେ କାମ କରିବ। ଏହି ଅବସରରେ ପୀୟୂଷ ଗୋଏଲ କହିଛନ୍ତି, ଭାରତର ଖେଳନା ଶିଳ୍ପର ଦ୍ରୁତ ଅଭିବୃଦ୍ଧି ‘ବିକଶିତ ଭାରତ’ ଗଠନ ଦିଗରେ ଦେଶର ଅଗ୍ରଗତିର ଏକ ସ୍ପଷ୍ଟ ପ୍ରତିଫଳନ।