ସ୍ୱାସ୍ଥ୍ୟସେବାକୁ ସୁଦୃଢ଼ କରିବା ପାଇଁ ମେଡିକାଲ କଲେଜ ଏବଂ UG-PG ଆସନ ସଂଖ୍ୟା ବୃଦ୍ଧି: ଲୋକସଭାରେ କେନ୍ଦ୍ର ରାଜ୍ୟମନ୍ତ୍ରୀ ନୂଆଦିଲ୍ଲୀ: ଦେଶରେ ସ୍ୱାସ୍ଥ୍ୟସେବାକୁ ଆହୁରି ସୁଦୃଢ଼ କରିବା ଲକ୍ଷ୍ୟରେ କେନ୍ଦ୍ର ସରକାର ମେଡିକାଲ କଲେଜ, ସ୍ନାତକ (UG) ଏବଂ ସ୍ନାତକୋତ୍ତର (PG) ଆସନ ସଂଖ୍ୟାରେ ଉଲ୍ଲେଖନୀୟ ବୃଦ୍ଧି କରିଛନ୍ତି ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ରାଜ୍ୟମନ୍ତ୍ରୀ ଅନୁପ୍ରିୟା ପଟେଲ ଲୋକସଭାରେ ସୂଚନା ଦେଇଛନ୍ତି। ସେ କହିଛନ୍ତି ଯେ, ୨୦୧୪ ପୂର୍ବରୁ ଦେଶରେ ୩୮୭ଟି ମେଡିକାଲ କଲେଜ ଥିବା ବେଳେ ବର୍ତ୍ତମାନ ଏହା ୮୪୪ରେ ପହଞ୍ଚିଛି। ସେହିପରି MBBS (UG) ଆସନ ସଂଖ୍ୟା ୫୧,୩୪୮ରୁ ବୃଦ୍ଧି ପାଇ ୧,୩୯,୪୮୯ ଏବଂ PG ଆସନ ସଂଖ୍ୟା ୩୧,୧୮୫ରୁ ବୃଦ୍ଧି ପାଇ ୮୬,୩୬୦ ହୋଇଛି। ରାଜ୍ୟମନ୍ତ୍ରୀ କହିଛନ୍ତି, ଦୁର୍ଗମ ଓ ସେବାବଞ୍ଚିତ ଅଞ୍ଚଳରେ ନୂତନ ମେଡିକାଲ କଲେଜ ସ୍ଥାପନ ଏବଂ MBBS ଆସନ ବୃଦ୍ଧି ଫଳରେ ଦେଶରେ ଡାକ୍ତରଙ୍କ ଉପଲବ୍ଧତା ବଢ଼ିବ ଓ ସ୍ୱାସ୍ଥ୍ୟସେବା ଅଧିକ ସୁଦୃଢ଼ ହେବ। ସେ ଆହୁରି କହିଛନ୍ତି ଯେ, ଗ୍ରାମାଞ୍ଚଳରେ ସମାନ ସ୍ୱାସ୍ଥ୍ୟସେବା ପହଞ୍ଚାଇବା ପାଇଁ MBBS ପାଠ୍ୟକ୍ରମରେ **’ଫ୍ୟାମିଲି ଆଡପ୍ସନ୍ ପ୍ରୋଗ୍ରାମ୍ (FAP)’**କୁ ମଧ୍ୟ ସାମିଲ କରାଯାଇଛି।