ସରକାର ଓ CJP ପ୍ରତିନିଧିମଣ୍ଡଳ ମଧ୍ୟରେ ଆଲୋଚନା; ଆସନ୍ତାକାଲି ପୁଣି ହେବ ପରବର୍ତ୍ତୀ ବୈଠକ ନୂଆଦିଲ୍ଲୀ: କେନ୍ଦ୍ର ସରକାର ଏବଂ CJP ପ୍ରତିନିଧିମଣ୍ଡଳ ମଧ୍ୟରେ ଆଜି ନୂଆଦିଲ୍ଲୀରେ ଆଲୋଚନା ଅନୁଷ୍ଠିତ ହୋଇଛି। କେନ୍ଦ୍ରମନ୍ତ୍ରୀ ଜେ. ପି. ନଡ୍ଡା ଏବଂ ଡ଼. ଜିତେନ୍ଦ୍ର ସିଂହ ପ୍ରତିନିଧିମଣ୍ଡଳ ସହ ବୈଠକ କରି ପରୀକ୍ଷା ବ୍ୟବସ୍ଥାରେ ସଂସ୍କାର ସମ୍ପର୍କିତ ସେମାନଙ୍କ ଦାବି ଓ ପ୍ରସ୍ତାବ ଉପରେ ଆଲୋଚନା କରିଥିଲେ। ବୈଠକ ପରେ ଜେ. ପି. ନଡ୍ଡା କହିଛନ୍ତି ଯେ, ପ୍ରତିନିଧିମଣ୍ଡଳର ଦାବିଗୁଡ଼ିକୁ ସରକାର ଗୁରୁତ୍ୱର ସହ ବିଚାର କରୁଛନ୍ତି। ଏହି ବିଷୟରେ ଅଧିକ ଆଲୋଚନା ପାଇଁ ଆସନ୍ତାକାଲି ପୁଣି ଉଭୟ ପକ୍ଷ ମଧ୍ୟରେ ବୈଠକ ହେବ।